Diari Ramadhan - Rembau Most Wanted Yo!

Assalamualaikum!~

Mood rajin datang layiiiiiii! Kali ni resepi istimewo dari rombau. Den mombosar dongan masakan rombau. Tapi, maso kocik-kocik dolu den tak beghapo gomar makan masakan kampung ni. Yang den tau...ayam...ayam...ayam!

Bilo den dah bosar panjang, dah pandai makan podeh sikit-sikit baghu den tau, masakan nogoghi sombilan memang sodap moncongkam tokak dibueknyo! hehehe. Paling den suko masak lomak tompoyak pucuk ubi ngan potai! Laki den lalu blakang den tak sodar hehe.


Tapi, skill masak den tak sampai takat tu layi. Jadi, semalam den toghingin bonar nak makan masak lomak cili api, mako den pun masak la.....

Masak lomak kalau cili api takdo, bukan masak lomak namonyo. Nak podeh lotak lobih, taknak podeh lotak sikit pun jadikla. Teringat mak masak dolu, memang podeh masak lomak cili api mak. Mak kato, "abah ekau cukop suko podeh-podeh ni nim".

Mako, kerano sayangkan laki, den lotak cili api tak banyak asal buleh podeh sikit hehehe. Laki den kalau podeh sangat mulola bopoluh satu muko pastu duk tomonung dalam jamban kono cherry berry hahahaha. 

Takdo mano susohnya masak lomak cili api ni do. Buh garam ikut sodap sondiri. Buh kunyit jangan banyak asal ado wano kuning tu dah la.

Sojak duo monjak ni, tokak den gomar botul ko daging. Tokak den tak nak trimo ayam ...merajuk sobab hargo mahal bobonar ekekekeke.

suko den nengok kakak makan nasi.

Tetibo kakak suruh den kojutkan dio tuk makan sahur. Nak makan sahur ngan ibu ayah katonyo. Suko den nengok dio makan..bosolero! Nasi panas lotak kicap dan tolor goreng...sopinggan dio buleh habihkan. Ibu ayah jugak makan nasi bocinto!

Tigo mulut jo makan. Goreng tolor garing-garing makan ngan nasi panas ngan masak lomak cili api. Ini pun dah rozoki bagi kami...alhamdulillah.